धनुषाको रमौलमा मेयर कप फुटबल प्रतियोगिता सुरु

न्यूज ब्यूरो, जनकपुरधाम । धनुषाको मिथिला बिहारी नगरपालिका वडा नम्बर ४ रमौलमा मेयर कप फुटबल प्रतियोगिता सुरु भएको छ ।

मँगलबारदेखि सुरु भएको सो प्रतियोगितामा पहिलो खेल धनुषाको ढल्केवर र धनुषाधामबीच पहिलो खेल भएको हो । जिल्लाको विभिन्न ठाउँबाट खेलाडी तथा टिमहरु सहभागी हुने आयोजकले जनाएको छ ।

मिथिला बिहारी नगरपालिकाका नगरप्रमुख अनिल यादवको अध्यक्षता तथा नेकपा स्थायी कमिटी सदस्य एवं पूर्वमन्त्री रघुबिर महासेठको प्रमुख आतिथ्यमा फुटबल प्रतियोगिताको मँगलबार उदघाटन गरिएको हो ।

नगर प्रमुख यादवले चाडपर्वको अवसर पारेर आयोजना गरेको सो मेयर कप फुटबल प्रतियोगितामा प्रथम हुने टिमलाई ५५ हजार ५ सय ५५ रुपैया नगद सहित ट्रफी, मेडल र प्रमाणपत्र समेत दिने जनाए । यस्तै, दोस्रो हुनेलाई ३६ हजार ६ सय ६६ रुपैया दिनेछ्न नगरप्रमुख यादवले बताए ।

पूर्वमन्त्री महासेठले मिथिला बिहारी नगरपालिका आफ्नो जन्मभूमि रहेको बताउँदै सो ठाउँमा वि. सं. २०४६ साल देखि खेल लक्ष्मी पुजाको अवसर पारेर खेलकूद हुँदै आएको स्मरण गराए । “यो ठाउँमा खेलकुद ग्राउन्ड राम्रो बनाउनु पर्ने हो ,यसको लागि मैलै यथा शिघ्र प्रयास गर्नेछु । – उनले भने ।

खेलको क्रममा उत्कृष्ट खेलाडीलाई समेत पुरस्कारको व्यवस्था गरिएको थियो भने विभिन्न विद्यामा उत्कृष्ट गर्नेलाई समेत पुरस्कार र सम्मान गरिने जनाइएको छ । उत्कृष्ट सेटर, उत्कृष्ट डिफेन्डर, उत्कृष्ट ब्लोकर लगायतका विद्यामा पुरस्कार दिनेछ्न ।

कार्यक्रममा स्वागत मन्त्वय नगर उपप्रमुख अनिता साहले राखेका थिए । मन्त्वय राख्ने क्रममा नगरका खेलाडी लाई प्रोत्साहन स्वरुप मेयर कप खेल गराएको नगर उपप्रमुख साहले बताईन् ।

कार्यक्रममा नेकपा केन्द्रिय सदस्य तथा सह–इन्चार्ज योग नारायण यादव, नेकपा केन्द्रिय सदस्य मिथिला नगरपालिकाको मेयर हरि नारायण महतोब, पूर्व जिल्ला समन्वय समिति सभापति रामचरित्र साह , नेकपा प्रदेश कमिटी सदस्य मनोज खडका ,जिल्ला कमिटी सदस्य संजिब यादव , प्रदेश , वडा नं ४ का अध्यक्ष महादेव यादव,जिल्ला स्तरका नेता कार्यकर्ता हरुको विशेष आतिथ्य लगायत समाजसेवी , बुद्धिजीवी ,शिक्षाप्रेमी खेलाडी र स्थानीय जनसमुदायको उपस्थितिमा उद्घाटन कार्यक्रम गरिएको छ ।

कार्यक्रमको संचालन युवा नेता दिपन ठाकुर गरेको थियो ।