धनुषाको सिरसियामा भलिबल प्रतियोगिता हुँदै, प्रथम हुनेलाई ५० हजार

न्यूज ब्यूरो, जनकपुरधाम । धनुषाको मिथिला बिहारी नगरपालिकाको वडा नं. ६ सिरसियामा पनि भलिबल प्रतियोगिताको आयोजना गरिने भएको छ ।

दिपावलीको अवसर पारेर वडा नं. ६ का वडाध्यक्ष राम प्रकाश यादवले सो खुल्ला भलिबल प्रतियोगिता आयोजना गरेका हुन् । कार्तिक २८ गतेसम्म टिमहरुले दर्ता गराउन सक्ने अन्तिम मिति तोकिएको छ भने लक्ष्मीपूजाको भोलिपल्ट कार्तिक ३० गतेदेखि प्रतियोगिता सुरु हुने आयोजकले जनाएको छ ।

सो प्रतियोगितामा प्रथम हुनेलाई ५०००१ रुपैयाँ पुरस्कार राखिएको छ भने दोस्रो हुनेलाई २५००१ रुपैयाँ पुरस्कार राखिएको जनाईएको छ । जिल्लाभरिबाट भलिबल टिमलाई सहभागीको लागि आयोजकले आग्रह गरेको हो ।

यसका साथै, बेस्ट प्लेयर सहित कुनै विद्यामा उत्कृष्ट गर्नेलाई पनि पुरस्कारको व्यवस्था राखिएको हो । विद्या अनुसार खेलाडीलाई १००१ रुपैयाँ पुरस्कार दिने घोषणा गरिएको हो ।