कजरा भलिबल खेलमा 'सिरसिया' विजयी

न्यूज ब्यूरो, जनकपुरधाम । धनुषाको मिथिला बिहारी नगरपालिका वडा नं. ४ कजरा टोल स्थित आयोजना गरिएको भलिबल प्रतियोगिताको फाईनल खेलमा सिरसिया टिम विजयी भएको छ ।

सँतोषी मेलाको उपलक्ष्यमा आयोजना गरिएको भलिबल प्रतियोगिताको सोमबार भएको फाईनल खेलमा कटरैत टिमलाई हराउँदै सिरसिया विजयी भएको हो । सोही खेलमा दोस्रो कटरैत भएको हो ।

खेलको समापनमा अध्यक्षता लक्षमी यादव तथा प्रमुख अतिथी नगर प्रमुख अनिल यादव रहेका थिए । माँ सन्तोशी युवा क्लबद्धारा आयोजित सो भलिबल प्रतियोगितामा प्रमुख अतिथिको आसनबाट बोल्दै मेयर यादवले खेलकूदकै माध्यमबाट युवाहरुले समाजको नाकारात्मक भावना र नाकारात्मक पक्षलाई निरुत्साहित गर्न सकिने बताए ।

विजय हुने खेलाडी लाई नगरपालिका द्वारा एक सेट भलिबल खेलकुद सामग्री प्रदान गरिने साथै नगरपालिकामा सम्मान समेत गरिने नगर प्रमुख यादवले जनाए ।

मिथिला बिहारी नगरपालिकाकी उपमेयर अनिता कुमारी साहले बिशिष्ट अतिथिको आसनबाट बोल्दै नगरका युवाहरुको लागि खेलकूदको माध्यमबाट पनि राष्ट्रिय स्तरसम्म चिनाउने प्रयत्न गन आग्रह गर्दै यसका लागि नगरपालिकाबाट विशेष योजना ल्याउने बताईन ।

कार्यक्रममा बिशिस्ट अतिथि नगर उपप्रमुख अनिता साह, वार्ड ४ अध्यक्ष महादेव यादव,६का रामप्रगास यादव ,भलिबल खेलकुद रास्ट्रिय प्रशिक्षक भरत यादव,श्री प्रसाद यादव ,युवा नेता मकेश्वर मण्डल लगायत स्थानीय भद्रभलादमिको उपस्तिथि रहेका थिए ।

कार्यक्रम संचालन युवा नेता सरोज यादव गरेका थिए।