खेलकूदको लागि खेलाडीहरु सक्रिय सहभागी हुनुपर्छ : मेयर मण्डल

न्यूज ब्यूरो, जनकपुरधाम । धनुषाधाम नगरपालिकाका मेयर बालेश्वर मण्डलले खेलाडीहरुले खेलकूदमा सक्रिय सहभागीता जनाउनुपर्नेप्रति जोड दिएका छन् ।

शुक्रबार धनुषाको धनुषाधाम नगरपालिका वडा नं. ६ मालटोल स्थित आयोजना गरिएको खुल्ला नक आउट फुटबल प्रतियोगिताको समापन खेलमा बोल्दै मेयर मण्डलले खेलकूदप्रति खेलाडीहरुले जागरुकता देखाउनुपर्ने बताए ।

मेयर मण्डल सहित उपमेयर विद्या देवी भूजेलले खेलाडीहरुलाई सम्मान गर्दै यस आर्थिक बर्षमा पनि खेलाडी प्रोत्साहनको लागि बजेट विनियोजन गरिएको बताए । उनले हरेक वडा मार्फत खेल समाग्री सहित खेलाडीहरुलाई सक्रिय सहभागीता गराउन योजनाहरु ल्याएको बताए ।

शुक्रबार भएको अन्तिम खेलमा ढल्केवर फुटबल क्लबले पहिलो उपाधि जितेका हुन । मिथिला नगरपालिकाको ढल्केवर फुटबल क्लब धनुषा र ढल्केवर महोत्तरी टिमको खेल मा ढल्केबर फुटबल क्लबले अन्तिम क्षणमा १ गोल गरेपछि १–० अन्तरगोलले विजयी हाँसिल गरे ।
।

कार्यक्रमको अध्यक्षता मालटोल फुटबल कल्बका अध्यक्ष ऋिषीकेस पाख्रीन तथा प्रमुख अतिथी नगरप्रमुख बालेश्वर मण्डल रहेका थिए । अध्यक्षा गर्दै कल्बका अध्यक्ष पाख्रीनले चाडपर्वको अवसर पारेर आयोजना गरेको सो खुल्ला नक आउट फुटबल प्रतियोगितामा प्रथम हुने टिमलाई २१ हजार नगद सहित ट्रफी, मेडल र प्रमाणपत्र समेत प्रदान गरेको हो । यस्तै, दोस्रो हुनेलाई ११ हजार तथा तेस्रो हुनेलाई ५ हजार , मेडल र प्रमाणपत्र समेत प्रदान गरिएको अध्यक्ष पाख्रीनले जानकारी दिए ।

खेलको क्रममा उत्कृष्ट खेलाडीलाई समेत पुरस्कारको व्यवस्था गरिएको थियो भने विभिन्न विद्यामा उत्कृष्ट गर्नेलाई समेत पुरस्कार र सम्मान गरिने जनाइएको छ । उत्कृष्ट सेटर, उत्कृष्ट डिफेन्डर, उत्कृष्ट ब्लोकर लगायतका विद्यामा पुरस्कार दिएको छ ।

कार्यक्रममा नगर उप्रमुख बिध्या देवि भुजेलले खेलाडी खेलमा हारजित हुन्छ ,राम्रो खेलेको खेलाडी लाई प्रशंसा गरे फाईनलमा सहभागी टिमलाई बधाई दिए ।

कार्यक्रममा बिशिष्ट अतिथी नगर उपप्रमुख बिध्या देवि भुजेल वडा नं ६ का अध्यक्ष बन्दे बहादुर मोक्तान समाजसेवि लक्ष्मीनारायण मण्डल ,जिल्ला फुटबल संघ बरिस्ठ उपाध्यक्ष कल्याण खडका ,फुट्बल संघ सद्स्य आचुतम बराल ,फुटबल प्रशिक्षक प्रकाश अर्याल , समाजसेवी हरि महासेठ , बेचु यादव , लगायत स्थानीय भद्रभलादमिको व्यापक उपस्थिति रहेको थियो ।

कार्यक्रमको संचालन समाजसेवी बन्द्ना कर्णले गरेका थिए ।