सिरहामा जिल्लास्तरीय फुटबल प्रतियोगिता सुरु

न्यूज ब्यूरो, सिरहा । सिरहामा मँगलबारदेखि जिल्ला स्तरीय फुटलब प्रतियोगिता सुरु भएको छ ।

मँगलबार एक कार्यक्रमबीच सो प्रतियोगिताको उदघाटन गरिएको हो । सिरहा नगरपालिका वडा नं. १९ स्थित सन्हैठामा रहेको सनराईज समुदायिक विकास केन्द्रद्धारा जिल्ला स्तरीय फुटबल प्रतियोगिता आयोजना गरिएको हो ।

सनराईज सामुदायिक विकास केन्द्र सन्हैठाले दशैं, दिपावली र छठ पर्वको अवसरमा आजदेखि सुरु गरेको फुटबल प्रतियोगिताको उद्घाटन खेलमा ठेंगही फुटबल टिम विजयी भएको छ ।

ठेंगही विरुद्ध छोटकिटोल सिरहावीच भएको खेलमा ठेंगहीले ३–२ ले जित प्राप्त गरेको छ । ठेंगहीको तर्फबाट प्रबिन यादबले २ गोल र अरबिन्द यादबले १ गोल गरी विजयी हाँसिल गरे ।

खेलको प्लेयर अफ दि म्याच घोषित प्रविणलाई सिरहा नगरपालिका वडा नं. १९ का वडाअध्यक्ष गोपाल प्रसाद यादवले ट्रफी प्रदान गरेका थिए ।