टुर्नामेन्टमा सबैला टिम जीतेपछि मेयर साहद्धारा खेलाडीहरुको प्रशँसा

न्यूज ब्यूरो, धनुषा । धनुषाको सबैला नगरपालिका स्थित ज्ञान ज्योति युवा कलबका खेलाडीहरु फुटबल प्रतियोगितामा विजयी हाँसिल गरेपछि नगर प्रमुख विजय शँकर प्रसाद साहले प्रशँसा सहित बधाई दिएका छन् ।

उनले टुर्नामेन्टमा सबैला टिम जितेपछि नगरपालिकाको नाम अगाडी बढाउन मदत गरेको भन्दै आफैं पुगेर खेलाडीहरुलाई सम्मान गर्दै प्रशँसा गरे । उनले खेलाडीहरुको लागि नगरपालिकाबाट यसपालीको बजेटमा बजेट पारित गर्ने प्रतिवद्धता पनि जाहेर गरे ।

उनले नगरपालिकाको नाम अगाडी बढाउन खेलाडीहरुको ठुलो भूमिका रहेको भन्दै यसअघि खेल समाग्रीहरु प्रदान गर्दै आएकोमा यसपालीको आउँदो बजेटमा खेलाडीहरुलाई उत्साहित बनाउन नयाँ योजनाहरु ल्याउने बताए ।

धनुषाको धनुषाधाम नगरपालिका वडा नं. ३ सर्सा दुर्गा मेला समिती द्वारा आयोजित पहिलो दुर्गा फुटबल गोल्डकप २०७७ मा टिमले विजयी हाँसिल गरेको हो । फुटबल प्रतियोगिता फाइनल खेलमा सर्सा –१ गोल र खैरबोना– २ गोल गरेर विजयी भएको हो ।