ट्रकले लियो  ट्राफिकको ज्यान

न्यूज ब्युरो ||
हरियाणा,भारत । सधैँ सवारी तथा चालकलाई दुर्घटनाबाट बचाउन दिनरात प्रयासरत ट्राफिक प्रहरीलाई सवारीले नै ज्यान लिएको छ ।

घटना भारत हरियाणा राज्य कुरुक्षेत्रको हो । आज अपरान्ह हरियाणा कुरुक्षेत्र कैठाल सडकखण्ड अन्तर्गत बुलेट मोटरसाईकलमा सवार ट्राफिक प्रहरीलाई ट्रकले कुल्चेर ज्यान गएको छ ।

बुलेट मोटरसाईकमा चालकको पछाडी बसेका ट्राफिक प्रहरीको ज्यान गएपनि चालक भने सकुशल रहेको जनाइएको छ ।

हाम्रा सहकर्मी रितेश कुमार शर्माले हरियाणाबाट दिएको जानकारी अनुसार, त्यस सडकखण्डमा मोटरसाईकल पछाडी बसेका ट्राफिक प्रहरी मोटरसाईकल चालक अत्यधिक मदिरा सेवन गरेका थिए ।

मोटरसाईकल तीव्र गतिमा चलाउँदै गर्दा मदिराले मातिएका चालकले विपरित दिसा तर्फबाट आउँदै गरेका मालवाहक ट्रकमा ठोक्किएको थियो ।
मोटरसाईकल चालक सकुशल रहेपनि तीव्र गतिमै रहेको मालवाहक ट्रक मोटरसाईकल सँगै भुंईमा लडेका ट्राफिक प्रहरी उपर चढेको थियो ।

टाउको भएरै ट्रकको चक्का गएपछि तत्कालै ट्राफिक प्रहरीको ज्यान गएको हो ।

यता, ट्रक चालक फरार भएको छ भने ट्रक स्थानीय प्रहरीको नियन्त्रणमा रहेको छ ।
घटनाबारे थप अनुसन्धान भइरहेको हाम्रा सहकर्मीले जनाएको छ ।

ट्राफिकको नाम र ठेगाना भने खुल्न सकेको छैन । केही बेरमा औपचारिक जानकारी आउने जनाइएको छ ।