'राष्ट्रको लागि खेलकूद र स्वास्थ्यको लागि खेलकूद' व्यवहारमा पनि हुनुपर्छ : मेयर यादव

न्यूज ब्यूरो, जनकपुरधाम । धनुषाको मिथिला बिहारी नगरपालिकाका मेयर अनिल कुमार यादवले खेलाडी प्रोत्साहन र खेल विकासको लागि जारी गरिएको नारामा मात्र सीमित नराख्न आग्रह गरेका छन् ।

खेलाडीहरु प्रती हामी सकारात्मक रहेको बताउँदै मेयर यादवले देशको गौरव लागी खेलाडीको हौसाला बढाउन राष्ट्रको लागि खेलकूद, स्वास्थ्यको लागि खेलकूद नारासम्म मात्र सिमित नराख्न खेलाडीहरुसँग आग्रह गरे । उनले नारालाई व्यवाहारमा पनि उतार्न सल्लाह दिए ।

मिथिला बिहारी नगरपालिकाको ललियामा “सेइट नेपाल ओपन भलिबल च्याम्पीयनसीप” को उदघाटन गर्दै विहिबार मेयर यादवले खेलाडी नगरको मात्र नभई देशको लागि खेल्ने गरेको बताए । उनले देशको गौरवको लागि खेल्ने खेलाडीहरु निरुत्साहित भएको अवस्था दर्साउँदै उनीहरुलाई प्लेटफार्ममा ल्याउन सरोकारबालाले पनि कडा पहलको आवश्यकता औल्याए ।

मिथिला बिहारी नगरपालिका वडा नं. ५ का वडाध्यक्ष विनोद मण्डलको अध्यक्षता तथा मेयर यादवको प्रमुख आतिथ्यमा विहिबारदेखि सुरु भएको सो भलिबल च्याम्पीयनसीपमा जिल्लाको विभिन्न ठाउँका भलिबल टिमहरुले सहभागीता जनाएको छ । भलिबल प्रतियोगिताको पहिलो दिनको खेलमा अन्दुपट्टी भर्सेज बनिनिया टिम खेलेका छन् ।

सो क्रममा वडाध्यक्ष मण्डलले विजया दशमीको अवसर पारेर आयोजना गरेको सो भलिबल च्याम्पीयनसीपमा प्रथम हुने टिमलाई ३० हजार १ सय ५१ रुपैयाँ नगद सहित ट्रफी, मेडल र प्रमाणपत्र समेत दिइने जानकारी गराए ।

यस्तै, दोस्रो हुनेलाई २० हजार १ सय ५१ तथा तेस्रो हुनेलाई ५ हजार १ सय ५१ रुपैयाँ नगद सहित ट्रफी, मेडल र प्रमाणपत्र समेत प्रदान गरिने अध्यक्ष मण्डलले जानकारी दिए ।

खेलको क्रममा उत्कृष्ट खेलाडीलाई समेत पुरस्कारको व्यवस्था गरिएको छ भने विभिन्न विद्यामा उत्कृष्ट गर्नेलाई समेत पुरस्कार र सम्मान गरिने जनाइएको छ । उत्कृष्ट सेटर, उत्कृष्ट डिफेन्डर, उत्कृष्ट ब्लोकर लगायतका विद्यामा पुरस्कार दिइने छ ।

भलिबल खेलआयोजक समितिका सँयोजक यादवका अनुसार, भलिबल खेलप्रति खेलाडीहरुको प्रोत्साहन र युवाहरुलाई खेलप्रतिको उत्साह बढाउनको लागि मौका पारेर भलिबल च्याम्पीयनसीपको आयोजना गरिएको बताए ।

कार्यक्रममा बिशिस्ट अतिथी नगर उपप्रमुख अनिता साह ,प्रमुख प्रशासकिय अधिकृत बिरेन्द्रलाल कर्ण ,लेखा प्रमुख बिमलेन्द्र यादव ,रास्ट्रय वाणिज्य बैक भानुचौक शाखा प्रबन्धक रंजना झा ,अजय साह, रास्ट्रय खेलकुद प्रशिक्षक भरत यादव ,समाज सेवि सुरेन्द्र साह ,बिजय ठाकुर लगायत स्थानीय भद्रभलादमिको उपस्थिति रहेको थियो ।