बालि काट्ने समयमा धानमा भुसनाले क्षति, किसानलाई पीडा

न्यूज ब्यूरो, बारा । बाराको सिम्रौनगढ क्षेत्रमा भुसुनाले अगहनी धानलाई क्षति पुर्याएको छ।

सिम्रौनगढ नगर क्षेत्र, पचरौता र बारा जिल्लाका विभिन्न स्थानमा अगहनी धानमा भुसुना कीरा लागेको र सो कीराको प्रकोपबाट धान नष्ट भइरहेको किसानहरूले गुनासो गरेका छन।

लङ्गडाचोक, सुखी, पथरा, कुडवा, पोखरिया, कञ्चनपुर, बलुवा, ब्रह्मपुरी, बाजोपट्टि र सिम्रौनगढ इलाकाको अमृतगंज, हरिहरपुर, गङ्गानगर, देवापुर टेटा, भगवानपुर, पटेर्वा, कमलपुर खजानी, श्रीनगर बैरिया, नौकाटोला, अमरपुर, कचोर्वा र सिम्रौनगढ बजारमा यो कीराले धानबालीलाई नष्ट पारिरहेको किसानहरूले बताएका छन।

बाजोपट्टिका किसान किशोरी यादवले भुसुनाको प्रकोप अगहनी धानमा देखिएको बताउनु भयो। उनले खेतमा यो कीरा फैलिएर धानलाई क्षति पुर्याइरहेको बताएका छन्। धानको बोट, बालासहित तलदेखि माथिसम्म सुक्ने गरेको अर्का कृषक अमृतगंजका नन्हक पासवानले जानकारी दिनुभयो ।

उनले मसिनो कीराको आक्रमणबाट अगहनी धानलाई क्षति पुगिरहेको जानकारी गराएका छन्। सयौंको सङ्ख्यामा धानबालीमा भुसुना देखा पर्ने र तलदेखि माथिसम्म धानबाली नष्ट हुने गरेको सिम्रौनगढ सानो इँटवालका बन्हु महतो नुनियाले बताएका छन।

अगहनी धान परिपक्व भएर तयारी अवस्थामा हुँदा यो रोग देखा परेको उनले बताउनु भयो। किसानहरूले रोगबाट जोगिन स्थानीय विषादी पसलेको सल्लाहमा कीटनाशक औषधि प्रयोग गर्न थालेका छन्