बाबरी मस्दिज विध्वंश प्रकरणमा २८ वर्षपछि फैसला, सबै आरोपिलाई सफाई

न्यूज ब्यूरो, भारत । भारतको अयोध्यामा सन् १९९२ मा खसाइएको बाबरी मस्दिज मुद्दा प्रकरणमा आरोपित ३२ सै जनालाई लाई अदालतले सफाई दिएको छ ।

६ डिसेम्बर १९९२ मा अयोध्यामा बाबरी मस्जिदको ढाँचा खसाइएएको थियो । २८ सालपछि यस प्रकरणमा सिबिआईको विशेष अदालतले आरोपितहरुलाई सफाई दिएको हो ।

लखनउको विशेष सिबिआई अदालतले आरोपीहरुको विरुद्ध पर्याप्य प्रमाण नभेटाएको भन्दै उनीहरुलाई सफाई दिएको भारतीय सँचारमाध्यमहरुले जनाएको छ । त्यस प्रकरणमा अभियुक्त बनाइएको ३२ सै जना आरोपितलाई (बरी) अर्थात सफाई दिइएको हो ।

सो प्रकरणमा भारतीय जनता पार्टी (बिजेपी) का बरिष्ठ नेता नेता लाल कृष्ण आडवाणी, मुरली मनोहर जोशी र उमा भारती समेत कल्याण सिंह लगायतलाई अभियुक्त बनाइएको थियो ।

आज बुधबार लखनउको विशेष सिबिआई अदालतका न्यायधिस सुरेन्द्र कुमार यादवले आफ्नो फैसलामा भनेका छन्,–“यो घटना सुनुयोजित देखिएनन्, यो घटना अचानक भयो । त्यो समय भीडले मस्जिदको ढाँचा खसायो । जसलाई आरोपित बनाइएको छ उनीहरु ढाँचा बचाउने प्रयास गरेको थियो ।

२८ साल पुरानो यो मामिलामा न्यायधिस सुरेन्द्र कुमार यादवले फैसला सुनाउँदै त्यसमा विश्व हिन्दु परिषदको समेत कुनै हात नरहेको फैसलामा उल्लेख गरिएको छ ।

सो प्रकरणमा केही असमाजिक तत्वहरुले पछाडीबाट पत्थरवाजी गरेको र मस्जिदको ढाँचा भत्काउनमा केही उच्छृँगल तत्वहरुको हात थियो ।

आरोपमुक्त भएका ३२ सै जना उपर मस्जिदको ढाँचा भत्काउन षडयन्त्र गरेको आरोप लगाइएको थियो । अदालतले बाबरी मस्जिद विध्वंश घटना अचानक भएको भनेर फैसला सुनाएको छ ।

सिबीआईले यस मामलामा ३ सय २१ गवाही पेश गरेका थिए जबकी प्रमाणको लागि मात्र ६०० बढी दस्ताबेजहरु कोर्टमा राखिएको थियो । तर, अदालतले आरोप लगाइएका व्यक्तिहरुको विरुद्ध कुनै प्रकारको कडा प्रमाण नभेटाएको भन्दै उनीहरुलाई सफाई दिएको छ ।

सन् १५२७ मा बनेको बाबरी मस्जिद सन् १९९२ मा भत्काइएपछि विवाद सुरु भएको थियो ।

---

Photo From : https://rsilpak.org/2019/the-babri-masjid-case-and-international-law/