खेलकूदमा मधेश सरकारको शून्य चासो, खेलाडीहरु निराश

न्यूज ब्यूरो, जनकपुरधाम । प्रदेश नं. २ का सरकारले प्रदेशभित्रका खेलाडीहरुको लागि शून्य चासो लिएको आरोप लगाइएको छ ।

राष्टिृय खेलकुद प्रशिक्षक एवम् भलिबल संघ प्रदेश अध्यक्ष भरत यादवले प्रदेशको खेलाडीहरुको भविष्यप्रति मधेश सरकार मौन रहेको आरोप लगाए । उनले विभिन्न समयमा अहिले सम्म प्रदेश २ सरकार राष्टृको गौरवको लागि, प्रदेशको गौरवको लागि उभिएको खेलाडीको लागि कुनै योजना वा कुनै प्रकारको सहुलियत नदिएको आरोप लगाए ।

न्यूज ब्यूरोसँग कुराकानी गर्दै अध्यक्ष यादवले भने,–“प्रदेश २ सरकारका समाजिक विकास मन्त्री नवल किशोर शाह ज्यूको मन्त्रालयमा हामी खेलकूदका अगुवाहरुले बारम्बार आग्रह गरयौ । तर पनि कुनै प्रकारको चासो लिइएनन् । यसले प्रदेशको खेलाडी र खेलकूदमा कतिको चासो र सरकारले के गर्दैछ वा के गरेको प्रष्टयाउँछ ।”

१३ औं दक्षिण एशियाली खेलकुद प्रतियोगिता (साग) नेपालले ऐतिहासिक ५१ स्वर्ण पदक ५५ रजत पदक र ८९ कास्य पदक जितेर दोस्रो भएको बताउँदै देशका लागि पदक बिजेता खेलाडी तथा प्रशिक्षकहरुलाई संघिय सरकार सहित विभिन्न प्रदेश सरकार तथा स्थानीय सरकारले नगद सहित सम्मान गर्ने योजना तथा कार्यक्रमहरु घोषणा भए अनुसार गरिएपनि मात्र सम्मानले नपुग्ने बताए ।

यस प्रतियोगितामा प्रदेश २ का खेलाडीहरुले समेत देशका लागि पदक जितेको भन्दै उनले प्रदेश सरकारबाट त्यस्ता खेलाडीहरुलाई प्रोत्साहन स्वरुप नयाँ धारको कार्यक्रम, योजनाहरु ल्याउनु आवश्यकता रहेको बताए ।

उनले उसु खेलका स्वर्ण– १, भारात्तोलन खेलका स्वर्ण – १, नेपाली राष्ट्रिय महिला भलिबलको सन्दर्भ मा नेपाल भलिबलको इतिहासमा पहिलो साग रजत पदक प्राप्त गर्न सफल नेपाली राष्ट्रिय महिला भलिबल टोलीका नेपाली राष्ट्रिय महिला भलिबल प्रशिक्षक तथा प्रदेश न.– २ को मुख्य प्रशिक्षक भरत यादव, कब्डडी खेलका रजत – १ पुस्तिका चौधरी ,कराँते खेलका रजत– १ ,कास्य– ३, खोखो खेलका रजत ( १ सिता साह, कास्य( ३ इन्दल राय ,मिलन सिंह र गौतम थापा पदक जिते पनि अहिले सम्म प्रदेश सरकारले सम्मान गर्ने कार्यक्रम घोषणा नगरेको कारण खेलाडीहरुको मनोबल टुटेको बताए ।

सोही क्रममा भलिबल खेलाडी श्रीप्रसाद यादवले यतिको पदक जितेर प्रदेशको नाम चम्काएका खेलाडीहरुको लागि पदक जित्ने खेलाडी तथा प्रशिक्षकहरु पदक जितेर पनि निराश भएको बताए ।