कतारमा ३ बर्षदेखि लगाइएको नाकाबन्दी खुल्ने ?

न्यूज ब्यूरो, कतार । बैदेशिक रोजगारीको क्रममा सबभन्दा बढी नेपाली रहेको खाडी मुलुक कतारमा लगाइएको विगत ३ वर्षदेखिको नाकाबन्दी खुल्ने सँकेत देखिएको छ ।

केही अरब राष्ट्रहरूले कतारमा विगत ३ वर्षदेखी लगाईरहेको नाकाबन्दी समाप्त गर्नका लागि हप्ताभित्रै प्रगति हुन सक्ने सम्भावना रहेको अमेरिकी विदेश मन्त्तालयका एक वरिष्ठ अधिकारीलाई उदृत गर्दै अलजजिराले समाचार प्रसारण गरेको छ ।

बुधबार मध्य पूर्वका लागि विभागका शीर्ष कूटनीतिज्ञ डेभिड शेन्करले वार्ताका लागि सबैले “लचिलोपन “ देखाएका कारण चाँडै समस्याको समाधानको हुने बताएका हुन्‌ ।

“म यसमा सम्पूर्ण कूटनीतिमा जान चाहन्न तर त्यहाँ केही प्रगति भने आवश्य भएको छ । म भन्न चाहन्छु कि यो हप्ताको कुरा हुनेछ,”– शेनकरले वाशिंगटन डीसी(आधारित ब्रूकिंग्स द्वारा आयोजना गरेको भर्चुअल कार्यक्रमलाई उनले भने ।

पहिला पनि साउदी अरेबियासँगको क्षेत्रीय वर्चस्वको लागि संघर्ष गरिरहेका इरानको विरूद्ध संयुक्त मोर्चा बनाउने वाशिंगटनको प्रयासलाई कुवेतले पनि मध्यस्थता गर्ने प्रयास गरेपनि उक्त प्रयासले हालसम्म कुनै पनि ठोस्‌ परिणाम भने दिन सकेको छैन ।

सन्‌ २०१७ को जुन ५ तारिख देखि साउदी अरेबिया, युएई, बहराइन र इजिएले आतंकवादलाई सहयोग गरेको आरोप लगाउदै कतारमाथी जल, थल र हवाईमार्गमा नाकाबन्दी गर्दै आइरहेको छ ।

कतारले भने आफू माथी लागेको आरोपको खण्डन गर्दै आईरहेको छ ।