धनुषाका महरा प्लेन चढन लाग्दा दुबई एयरपोर्टमै बेहोस, NRMA ले गरे उद्धार

न्यूज ब्यूरो, दुबई । धनुषाका एक व्यक्ति नेपाल फर्कनको लागि प्लेनमा चढनै लाग्दा एयरपोर्टमै बेहोस भएपछि गैर आवासीय मधेशी सँघ (NRMA) ले उद्धार गरेको छ ।

धनुषाको धनुषाधम नगरपालिका वडा नं. ३ सरसा रमपुरा बस्ने अन्दाजी बर्ष ४५ का रामचन्द्र महरा प्लेन चढन लाग्दा दुबई एयरपोर्टमै बेहोस भएपछि उनलाई तत्कालै सँघले उद्धार गरेको हो ।

गत ३ अगस्तमा नेपाल एयरलाईन्स मार्फत नेपाल आइरहेको बेला शारिरिक अस्वस्थ्याका कारण नेपाल आउन सकेनन् । उनको स्वास्थ्य अवस्था बिग्रेपछि उनलाई तत्काले एयरपोर्टबाटै दुबईको नजिकको अस्पतालमा पुरयाएर उपचार सुरु गरिएको गैर आवासीय मधेशी सँघ युएईका उपाध्यक्ष जग नारायण मण्डलले जनाएका छन् ।

मण्डलका अनुसार उनको परिवारलाई सरसामा समेत कुनै जानकारी नभएको बेला आफूहरुले उद्धार गरी उनको वर्तमान स्वास्थ्य अवस्थाको बारेमा जानकारी गराई परिवारजनसँग सम्पर्क गराएको बताएका छन् ।

एक जनाले महराको भिडियो पनि सँघका उपाध्यक्ष मण्डल कहाँ पठाएर उनलाई उद्धारको लागि मदत मागेपछि सँघका पदाधिकारीहरुले उनको उद्धार गरेको बताइएको छ । उनलाई खोज्नमा नै २ साता जति लागेको र अन्तत भेटाएको बताइएको छ ।

गैर आवासीय मधेशी सँघका सदस्य सुनिल पासवानले सम्पूर्ण जानकारी उपलब्ध गराएपछि उनलाई अस्पतालमा उपचार सहित रेखदेखको व्यवस्था मिलाइएको हो । अवस्था गम्भिर रहेकोमा अहिले उनको अवस्था भने समान्य रहेको र सुधार आएको बताइएको छ ।

उनलाई पुनः स्वेदश फर्कनको लागि सँघका पदाधिकारीहरुले दुबई स्थित रहेको नेपाली राजदुतावाससँग समन्वय गरी पठाउने तयारी गरिएको बताइएको छ ।

विदेशमा छरिएर रहेका मधेशीलाई गैर आवासीय मधेशी सँघले हरेक अवस्थामा मधेशीहरुलाई सहयोग गर्दै आएको छ ।