अब पासपोर्टको डेट एक्सपायर भएपछि पनि एक वर्ष सम्म भिसा लाग्ने

न्यूज ब्युरो, कत्तार । खाडी मुलुक कतारमा वैदेशिक रोजागरीको क्रममा रहेकाहरुको लागि कतार सरकारले नयाँ व्यवस्था गरेको छ ।

कामको शिलशिलामा कतारमा रहेका कामदारहरुले अब राहदानीको म्याद सकिएको एक वर्ष सम्म भिसा लगाउन सकिने भएको छ । कतार सरकारबाट प्राप्त परिपत्रअनुसार राहदानीको म्याद सकिएतापनि म्याद नाघेको एक वर्षभित्र आइडी नवीकरण गर्न सकिने दूतावासले जनाएको छ ।

आईतबार (आज) दुतावासले एक सूचना जारी गर्दै पर्यटक भिसा पनि निश्चित अवधिका लागि नवीकरण गर्न सकिने व्यवस्था कतार सरकारले लागू गरेको बताएको छ ।

कोरोनाभाइरसको कारणले राहदानी जारी तथा नवीकरण गर्न समस्या भएको हुनसक्ने अवस्थामा यो व्यवस्था लागू गरिएको कतार सरकारले बताएको छ ।