घुस सहित प्रहरी जवान रँगेहात पक्राउ

जनकपुरधाम, २१ माघ ।
घुस लिँदै गरेको अवस्थामा एक प्रहरी जवानलाई अख्तियारले पक्राउ गरेका छन् ।

अख्तियार दुरुपयोग अनुसन्धान आयोग बर्दिवासको टोलीले रु. १० हजार घुस सहित रँगेहात पक्राउ गरेका छन् ।
पक्राउ पर्नेमा धनुषा लक्ष्मीनीयाँका अस्थायी दरबन्दीमा कार्यरत प्रहरी जवान मनोज परसैला रहेको अख्तियारले जनाएको छ ।

जनकपुर भ्रमरपुरा चोकमा मदिरा विक्रि वितरण ठाडो रुपमा गर्न दिइने तथा प्रहरी सँरक्षण मिलाइदिने आश्वासन सहित परसैलाले एक मदिरा व्यावसायीसँग १० हजार घुस मागेका थिए ।

विशेष सुचनाको आधारमा अख्तियारको टोलीले परसैलालाई रँगेहात पक्राउ गर्न सफल भएको हो ।
पक्राउ गरिएका प्रहरी जवान परसैलालाई अनुसन्धानको लागि अख्तियार कार्यालय बर्दिवास लगिएको जनाइको छ ।