भारतका पूर्वराष्ट्रपति मुखर्जी रहेनन् !

न्यूज ब्यूरो, दिल्ली । भारतका पूर्वराष्ट्रपति प्रणव मुखर्जीको निधन भएको छ।

कोरोना संक्रमणपछि उपचाररत मुखर्जी केही दिनदेखि कोमामा थिए। उनको सोमबार निधन भएको भारतीय सञ्चारमाध्यमले जनाएका छन्। ८४ बर्षको उमेरमा उनले आज अन्तिम साँस लिएका हुन् ।

प्रणब मुखर्जी कोरोना भाइरस पोजिटिभ पाइएको थियो । उनलाई केही दिन अगाडी मात्र ब्रेन सर्जरी समेत गरिएको थियो । ईस्वी सँम्बत २०१२ मा उनी देशको राष्ट्रपति बनेका थिए । २०१७ सम्म आफ्नो कार्यकाल सम्हालेका मुखर्जी २०१९ मा भारत रत्नबाट समेत विभुष्ति भएका थिए ।

प्रणब मुखर्जीको खराब स्वास्थ्यको कारण गत १० अगस्तमा दिल्लीको आरआर अस्पतालमा भर्ती गरिएको थियो । मस्तिष्कमा रगत जमेपछि सर्जरी गरिएको थियो ।