१ करोड कतारी रियाल ठगी गर्ने गिरोह पक्राउ

न्यूज ब्यूरो, कत्तार । अनलाईनको माध्यमले सिधासाधा कामदारहरुको मोाबाईलमा म्यासेज पठाई झण्डै १ करोड रुपैयाँ कतारी रियाल ठगी गर्ने गिरोहलाई पक्राउ गरिएको छ ।

खाडी मुलुक कतार स्थितको कतारी प्रहरीले सिधासाधा कामदार वा नागरिकलाई मोबाईलबाट पुरस्कार जितेको वा बैँक कार्ड रद्ध (ब्लोक) भएको भन्दै ओटिपी कोड पठाउन लगाएर १ करोड जति कतारी रियाल ठगी गर्ने गिरोह नै पक्राउ परेका छन् ।

उनीहरु विभिन्न समयमा कतारको बैँकका ग्राहकहरुलाई मोबाईलमा मेसेज पठाएर तपाईको बैँक कार्ड रद्ध भएको र मोबाईलमा गएको ओटिपी कोड पठाउन आग्रह गरी सोझासाझाले त्यही ओटिपी कोड पठाएरपछि उनको बैंँक खातामा एक्सेस गरी सबै रकम ट्रान्सफर गर्दै आएको खुलेको छ ।

गिरोहमा सक्रिया ३१ जनालाई कतारी प्रहरीले पक्राउ गरी सार्वजनिक गरेको छ । उनीहरुले कैयौं जनाको व्यक्तिहरुको बैंँक खाताबाट झण्डै १ करोड कतारी रियाल चोरेको आरोप छ ।

कतारको आन्तरिक मन्त्रालयले एक प्रेस विज्ञप्ति जारी गर्दै साईबर अपराध विभागको फौजदारी अन्वेषण महानिर्देशनालयले ठगी गर्नेहरु करिब ४००० सिम कार्ड प्रयोग गरेका थिए ।

कसरी गर्छन चोरी ?

ईमो, भाईबर, फोनमा बारम्बार कल गरी तपाईलाई चिठ्ठा परेको, पुरस्कार परेको, लौटरी लागेको भनेर फोन गर्ने गरिन्छ । फोन गरेपछि लालचमा आएका सिधासाधाहरुले केही रकमको लोभमा आफ्नो मोबाईलमा आएको ओटिपी कोड उनीहरुलाई पठाएपछि उनीहरुले उनको बैँकसम्म पहुँच बनाएर खाताबाट रकम झिक्ने गरेको छ ।

विभिन्न समयमा नेपालमा समेत नेपाल प्रहरीले ईमो वा कलमा कुनै प्रकारको यस्तो कल आएपछि तत्कालै प्रहरीलाई जानकारी गराउन तथा झाँसामा नपर्न आग्रह गर्दै आएको छ ।