धनुषामा एक युवकको शंकास्पद मृत्यू !

न्यूज ब्यूरो, जनकपुरधाम । धनुषामा एक युवकको शंकास्पद मृत्यू भएको छ । धनुषाको सबैलामा मजदुरी गर्न गएका एक युवकको औषधी र उपचार बिना मृत्यू भएको हो ।

सबैला नगरपालिकाको वडा नं. ३ स्थित उनको छटपटाएर ज्यान गएको एक स्थानीयले बताएका छन् । यता, ईलाका प्रहरी कार्यालय सबैलाले मृतको साथबाट मुटु रोग सम्बन्धी औषधी फेला परेको जनाएको छ ।

धनुषाको शहिदनगर नगरपालिका वडा नं. २ चोरा कोयलपुर बस्दै आएका अन्दाजी बर्ष ३८ का बिगुल पासवानको मृत्यू भएको प्रहरीले जनाएको छ । जिल्ला प्रहरी कार्यालय धनुषाका अनुसार, उनको नीजि घर सिरहाको कर्जन्हा नगरपालिका रहेको छ । केही महिनादेखि पासवान चोराकोयलपुर स्थित रहेको उनको ससुरालीमै बस्दै आएका थिए ।

उनको मृत्यू मुटुरोगको कारण र समयमा उपचार नपाएको कारण हुन सक्ने जनाएको छ । यद्यपी, स्थानीयवासीहरुले भने उनको कोरोनाको कारण ज्यान गएको आशंका गरेको छ । यता,प्रहरीले उनको स्वाब सँकलन गर्ने तयारी समेत गरिएको जनाएको छ ।

मृतक पासवानको छेउमा खाने चिउरा समेत राखिएको छ । केही जनाको अनुसार खाँदै गर्दा उनको स्वास्थ्यमा गडबड भएको र केही बेरपछि मृत्यू भएको हुन सक्ने बताएका छन् ।

स्वाब सँकलनपछि आउने रिपोर्टलाई मध्यनजर गरी मात्र शवलाई व्यवस्थापन गर्ने वा परिवारलाई जिम्मा लगाउने निर्णय हुने बताइएको छ । मृतकको शवलाई जनकपुर ल्याउने तयारी गरिएको ईलाका प्रहरी कार्यालय सबैलाका प्रहरी ईन्स्पेक्टर रामकुमार यादवले जनाए ।