सिडिओ यादवको सुशासन–'किसानको मल कतै रोकिदैन'

न्यूज ब्यूरो, रौतहट । रौतहटका प्रमुख जिल्ला अधिकारी (CDO) ईन्द्रदेव यादवले किसानको मल कतै पनि नरोकिने बताएका छन् ।

रौतहटका किसानहरुले खेतीपातीको लागि ल्याइरहेको मल प्रहरीले घण्टौसम्म रोकेपछि जानकारी पाएलगत्तै उनले मल छोडन लगाएका थिए । रातीदेखि नै प्रहरीले किसानहरुको मल रोकेर राखेको जानकारी सिडिओ यादवले पाएपछि तुरुन्त एक्सन लिएका थिए ।

गढिमाई नगरपालिका वडा नं. ६ धर्मपुर बागमती पुलमा विहान ६ बजे देखी रोकि राखेको करिब २०० मोटरसाइकल र साईकलमा सर्लाहीबाट किनेर ल्याई रहेको युरीया मल छोडन लगाएपछि चौतर्फी प्रशंसा गरिएको छ ।

प्रहरीले भन्सार बुझाउने भनि किसानहरुलाई लाठि चार्ज गरी भगाई रहेको कुरा सिडिओ यादवले जाकारी प्राप्त गरेपछि मल सम्बन्धित किसानलाई नै फिर्ता गराएको कटहरिया नगरपालिका २ हथियाहीका किसान भोला महतो कहारले जनाए ।

“किसान त अन्नदाता हुन् । उनीहरुले भन्सार नतिरेर ल्याएको होइनन, आफ्नै ठाउँबाट अर्को जिल्लाबाट मल ल्याउनलाई पनि भन्सारको आवश्यकता पर्दैन् । किसानको मार्का हामीले बुझनुपर्छ । आज सहज रुपमा उनीहरुले मल पाएनन भने भोलीको दिनमा कस्तो अवस्था हुने हो त्यो अनुमान लगाउन सकिन्छ । किसानको मलको सन्दर्भमा कतै पनि रोकाबट हुनु हुँदैन ।”– उनले भने ।

न्यूज ब्यूरोसँगको संक्षिप्त कुराकानीमा सिडिओ यादवले किसानहरुको मल अभाव र मल सहजीकरणकै बारेमा आज बैठक बस्ने बताएका छन् । किसानहरुको मलको सहजताको लागि सबै सरोकारबालाहरुसँग छलफल गर्ने तयारी गरिएको बताए ।

अबिरल बर्षा र बाढीका कारण लगाइएको धान बाली नष्ट हुनुका साथै किसानहरुले समयमा मल नपाउँदा झन दुःखित भएको अवस्थामा सिडिओ यादवले किसानहरुलाई मलको लागि सहजता प्रदान गरेपछि उनको प्रशंसा गरिएको छ ।