सिरहाका महतो मलेसियामा मृत फेला

न्यूज ब्यूरो, मलेसिया । बैदेशिक रोजगारीको क्रममा विदेशिएका सिरहाका एक पुरुष मलेसियामा मृत फेला परेका छन् ।

सिरहाको कल्याणपुर नगरपालिका वडा नं. ५ घर भएको बिन्देश्वर महतो गत आईतबार मलेसियामा मृत फेला परेका हुन । सोही कम्पनीमा कार्यतरत जय साहले न्यूज ब्यूरोलाई दिएको जानकारी अनुसार बिगत ९ महीना देखि मलेशिया सेलङ्गोरमा सुरक्षागार्डमा महतो कार्यरत थिए ।

निरन्तर काम गर्दै आएका महतोको आईतबार अचानक मृत्यू भएको जनाइएको छ । सो सन्दर्भमा सेक्यूरिटी गार्ड प्रदान गर्ने कम्पनीले केही जानकारी नदिएको तथा प्रहरीको अनुसन्धान अहिले जारी रहेकोले उनको मृत्यू बारे तथ्य खुलेपछि मात्र भन्न सकिने जवाफ फर्काएको साहले जनाएका छन् ।