धनुषा : विगत एक सातादेखि महिला लापत्ता

न्यूज ब्यूरो, जनकपुरधाम । विगत एक सातादेखि धनुषाकी एक महिला बेपत्ता भएकी छन् । धनुषाको हँसपुर नगरपालिका - ७ सुगा मधुकरही बस्ने अन्दाजी बर्ष २४ की महिला बेपत्ता भएकी हुन् ।

विगत एक साता अघि आफ्नो घरबाट नै लापत्ता भएको परिवारजनले बताएको छ । २४ बर्षिय नीतु मण्डल घरमा कसैलाई पनि जानकारी नदिइ घरबाट गएको र लापत्ता भएको बताइएको छ ।

उनको खोजीकार्यको लागि स्थानीय प्रहरी सहित भारतीय प्रहरीमा समेत निवेदन गरिएको छ । यसका साथै, विभिन्न पत्रपत्रिकाहरुमा समेत उनको हुलिया सहितको विवरण सार्वजनिक गरी खोजविनको प्रयास जारी राखिएको छ ।

गत साउन २५ गते आईतबार (तिथिः ९ अगस्त, २०२०) का दिन चप्पल समेत नलगाएकी मण्डल पिँक (लाल) रँगको कुर्ता र कलेजी रँगको सुरुवाल लगाएर बाहिर निस्केकी बताइएको छ । गहुँ गोरो रँगकी नितु मण्डललाई कसैले देखेको खण्डमा जानकारी गराउन परिवारजन आग्रह गरेको छ ।

भारतको लागि भेटाउने मान्छेलाई २१००० रुपैयाँ भारु सम्मान स्वरुप ईनाम दिने परिवारजनले जनाएको छ । भारतको लागि +9188012416693 तथा नेपालको लागि 9800823341 मा सम्पर्क गरी जानकारी दिन अनुरोध गरिएको छ । वा नजिकको प्रहरीमा जानकारी गराइदिन आग्रह गरिएको हो ।