भारतका पूर्व राष्ट्रपति मुखर्जीको स्वास्थ्यमा सुधार

न्यूज ब्यूरो, भारत । भारतका पूर्व राष्ट्रपति प्रणव मुखर्जीको स्वास्थ्य अवस्थामा सुधार आएको भारतीय सँचार माध्यमहरुले जनाएको छ । उनको छोरा अभिजित मुखर्जीले बुधबार साँझ पूर्व राष्ट्रपतिको मुखर्जीको स्वास्थ्य अवस्थामा सुधार आएको पुष्टि गरेका छन् ।

८४ बर्षिय मुखर्जीलाई स्वास्थ्य अवस्थामा खराबी आएपछि गत १० अगस्त गत सोमबार उनलाई सेनाको अनुसन्धान तथा रेफरल अस्पतालमा भर्ना गरिएको थियो । अस्पतालको रिपोर्टले मुखर्जीको मस्तिष्कमा ठुलो धक्का देखाएपछि उनलाई बचाउनको लागि आपतकालिन रुपमा अपरेशन गरिएको थियो ।

पूर्व राष्ट्रपतिले शल्यक्रिया गर्नु अघि कोरोनाभाइरस कोभिडको परीक्षण गर्दा पोजिटिभ पाइएको हो । यद्यपी, अहिले उनको स्वास्थ्य अवस्थामा सुधार आएको भनेर उनका छोराले टवीटरमा लेखेका छन् ।

माइक्रो ब्लगिँग साइट ट्विटरमा उनका छोरा अभिजित मुखर्जीले भनेका छन –“तपाईका सबै प्रार्थनाहरूको साथमा मेरा बुवा अब हेमोडायन्यामिक रुपमा स्थिर हुनुहुन्छ। म सबैलाई तपाईको प्रार्थनालाई निरन्तरता दिन र उसको शीघ्र स्वास्थ्य लाभको लागि शुभकामना दिन्छु। धन्यवाद।”

बुधबार दिल्लीको सेनाको अनुसन्धान तथा रेफरल अस्पतालले एक प्रेस जारी गर्दै मुखर्जीको स्वास्थ्य अवस्था अहिले पनि नाजुक रहेको छ। उनले भने कि पूर्व राष्ट्रपति हामोडाइनामेजिकली स्थिर र भेन्टिलेटरमा छन्।

विहिबार उनको स्वास्थ्य अवस्थामा विस्तारै सुधार आउन थालिएको बताइएको छ ।