लेबनान विस्फोट : संकटमा परेका प्रधानमन्त्रीले दिए राजीनामा

न्यूज ब्यूरो, एजेन्सी । लेबनानका प्रधानमन्त्री हसन दियाबले राजीनामा दिएका छन् ।

४ अगस्टका दिन राजधानी बेरुतमा भएको भयानक विस्फोटपछि उनको सरकारविरुद्ध चर्को जनआक्रोश देखिएको थियो ।

२ सयको ज्यान जानेगरी भएको सो विस्फोटका कारण लाखौँ मानिस घरबारविहीन भएका थिए । विस्फोटपछि बेरुतमा प्रदर्शनहरु भएका छन् ।

यसअघि नै प्रधानमन्त्री दियाबका क्याबिनेटका चार जना मन्त्रीले राजीनामा घोषणा गरिसकेका छन् ।