एकसय ९१ यात्रु बोकेको एयर इन्डियाको विमान दुर्घटना

न्यूज ब्यूरो, सिरहा । दुबईबाट भारतको केरल आएको एयर इन्डियाको विमान बोइङ ७३७ अवतरणका क्रममा दुर्घटनामा परेको छ ।

भारतीय सञ्चारमाध्यमका अनुसार केरलको कालिकट बिमानस्थलमा अवतरण गर्ने क्रममा १९१ यात्रु सवार विमान दुर्घटनामा परेको हो । वर्षाका कारण विमान चिप्लिएको हुनसक्ने जनाइएको छ ।

विमान ३० मिटर गहिरो खाल्डोमा पुगेको छ । विमानको अगाडिको भाग पूर्णरुपमा क्षतिग्रस्त भएको छ । तर, विमानमा आगो भने लागेको छैन ।

भारतीय समय अनुसार साँझ ७ः३८ बजे विमान दुर्घटनामा परेको हो । उद्धार कार्य भइरहेको भारतीय सञ्चार माध्यमले जनाएको छ ।