सिरहाको लहानमा पनि आजदेखि कर्फ्यू

न्यूज ब्यूरो, सिरहा । प्रदेश नं. २ को सिरहा जिल्लाको लहान नगरपालिकामा आजदेखि कर्फ्यू लगाइएको छ । स्थानीय प्रशासन र नगरपालिकाको कार्यालयको सहयोगले आज (शुक्रबार) देखि कर्फ्यू लगाएको हो ।

लगाइएको कर्फ्यू आगामी ९ दिनसम्म चल्ने जिल्ला प्रशासन कार्यालय सिरहाले जनाएको छ । पछिल्लो समय नगरपालिका वडा नं ८ का एक जनासहित नगर क्षेत्रका २६ मा कोरोना सङ्क्रमण पुष्टि भएपछि आजदेखि यही साउन ३२ गतेसम्म नगर क्षेत्रमा निषेधाज्ञा जारी गरेको नगरपालिकाले जनाएको छ ।

छिमेकी जिल्ला सप्तरीमा तीव्ररूपमा सङ्क्रमण फैलिरहेकाले छ । नगरपालिका कार्यपालिकाको आपत्कालीन बैठकले नगर क्षेत्रमा निषेधाज्ञा लगाउने निर्णय गरेको जनाइएको छ ।

वडा ८ का सङ्क्रमित व्यक्तिको सम्पर्कमा आएकाको पनि स्वाब सङ्कलनको कार्य भइरहेको स्वास्थ्य शाखा प्रमुख रामसुन्दर यादवले बताएका छन् ।

न्यूज ब्यूरोसँगको सँक्षिप्त कुराकानीमा यादवले कोरोनाको सँक्रमण समुदाय स्तरसम्म पुगेको भन्दै यसलाई रोक्नको लागि तत्कालै लहान नगरपालिकाभरि नै ९ दिनको लागि कर्फेयू लगाएको हो ।

यसअघि मिर्चैया नगरपालिकाले बिहीबारदेखि यही साउन ३२ गतेसम्म नगर क्षेत्रमा लकडाउन गरेको छ । मिर्चैया–६ का दुई स्वास्थ्यकर्मीसहित तीन जनामा कोरोना सङ्क्रमण पुष्टि भएपछि सङ्क्रमण थप फैलिन नदिन नगर क्षेत्रमा नगरपालिकाले लकडाउन हो ।