भोली प्रदेश २ मा सार्वजनिक विदा

न्यूज ब्यूरो, जनकपुरधाम । प्रदेश नं. २ मा भोली (सोमबार) सार्वजनिक विदाको घोषणा गरिएको छ । प्रदेश सरकारको परिपत्र अनुसार भोली रक्षा बन्धनको दिन सार्वजनिक विदा दिने निर्णय गरिएको हो ।

गत जेठ १० गते नै बसेको प्रदेश सरकारको मन्त्री परिषदको बैठकमा रक्षा बन्धनमा सार्वजनिक विदा दिने निर्णय अनुसार सोमबार सार्वजनिक विदा दिने भएको छ ।

प्रत्येक वर्ष रक्षा बन्धनमा सार्वजनिक विदा दिँदै आएको सरकारले यसवर्ष पनि सार्वजनिक विदा दिने भएको छ । सोमबार सरकारी कार्यालयहरु बन्द रहने जनाइएको छ ।

कोरोनाको महामारीलाई मध्यनजर गर्दै भीडभाड नगरी लामो दुरीको यात्रा नगरी रक्षा बन्धन बनाउन आग्रह गरिएको हो ।