नविन यादव प्रकरणः उजुरी दिने किशोरी भन्छिन्–'त्यो राती म बियर खाएर बिसन्चो थिए'

न्यूज ब्यूरो, जनकपुरधाम । जनता समाजवादी पार्टीका युवा नेता नविन यादव विरुद्ध अभद्र व्यवहारको उजुरी दिने किशोरीले आफूसँग भएको घटनाको बारेमा मात्र बोलेकी बताएकी छन् ।

घटनाको राती जनकपुरको शिवचोकमा रहेको जेएफसी क्याफेमा राती करिब ११ बजेतर्फ भएको घटनाको क्रममा आफू बियर खाएर बिसन्चो भएको पनि भनेकी हुन् । बियर खाएर बिसन्चो भएपछि रातभरि अस्पतालमा बसेको बताउँदै आफूसँग भएको घटनाबारे मात्र बोलेको बताएकी हुन् ।

उनले आफू कसैलाई फँसाउन नखोजेको र आफूसँग नविन यादवले दुरव्यहार गरेको कुरा प्रहरीलाई भनेको बताएकी हुन् । उनले ४ ओटा बियर खाएपनि प्रहरी समक्ष होसो हवासमा बयान दिएको दाबी गरेकी हुन् ।

एक कुराकानीको क्रममा उनले भनेकी छन्–“त्यो रात म बियर खाएको कुरा प्रहरीलाई पनि थाहा छ । म विरामी भएको थिए । रातभरि अस्पतालमा थिए र प्रहरीले मलाई केयर गरेको थियो । म त बयान भोलीपल्ट पनि त्यही बोलेको छु ।”

कुराकानीको क्रममा पनि उनले नविन यादव आफूसँग दुरव्यवहार गरेको भन्दै आफ्नो साथीलाई ललाई फकाई भिडियोमा बोल्न लगाएको भन्दै आफू पनि भिडियो बनाउने धम्की दिएकी हुन् । सो क्रममै उनकी साथीले आफू कुनै दबाब र प्रभावमा नआएर निर्धक बोलेको प्रतिक्रिया दिएकी छन् ।

उजुरी दिने किशोरीकी साथीले आफूहरुसँग नविन यादवले दुरव्यवहार नगरेको प्रतिक्रिया दिएकी छन् भने उजुरी दिने किशोरीले आफूसँग दुरव्यवहार भएको भनेर प्रहरीमा उजुरी दिएकी हुन् । सँगै भएको साथीले साकारात्मक र किशोरीले नाकारात्मक बयान दिनुप्रति शंका उत्पन्न पनि भएको छ ।

एक बयानमा त्यही किशोरीले आफूलाई राती घरसम्म गएर उजुरी फिर्ता लिन दबाब दिएको बताएकी छन् । यद्यपी, उनले केही जना उनको घरसम्म जाँदा न त प्रहरी प्रशासन, न त छिमेकी वा परिवारजनलाई बोलाएकी हुन् ।

जिल्ला प्रहरी कार्यालय धनुषाले नेता नविनमाथि अभद्र व्यवहारको मुद्दा चलाएको छ । यता, जनकपुरमा राती ९ बजेसम्म मात्र मदिरा पसलहरु बन्द गर्ने प्रावधान रहेको छ ।

---

(यो कुराकानीको अडियो सुरक्षित छ ।)