खेलाडी नै देशको गौरवः मेयर मण्डल

न्यूज ब्यूरो, जनकपुरधामा। धनुषाधाम नगरपालिका मेयर बालेश्वर मण्डलले खेलाडीहरु देशको गौरव भएको बताएका छन् ।

सोमबार एक कार्यक्रमबीच मेयर मण्डलले धनुषाधाम नगरपालिका वडा नं. ९ स्थित रहेको यज्ञभुमी सेवा समाज लाई खेल सामग्री हस्तान्तरण गर्दै खेलाडीहरुले देश चिनाउने मूल हतियार रहेको भन्दै देशको गौरव रहेको बताए ।

मेयर मण्डलले हस्तान्तरण गर्दै भने,–“वास्तविकमा नगरको पहिचान साथै देशको गौरव खेलाडी हो । त्यसैले हामी नगरस्तरीय योजनाबाट खेल सामग्री लागि रकम छुटयाएर सामग्रीहरु हौसला बढाउनको लागि, खेल प्रती चासो बढाउनको लागि एक कदम अगाडी चालेका छौं ।”

खेल समाग्री हस्तान्तरण कार्यक्रममा नगरकी उप–मेयर विद्या देवि भुजेल, प्रशासकीय अधिकृत संजित दास, लेखा प्रमुख प्रशान्त प्रसाद यादव सहित वडा अध्यक्षहरु लगायतको उपस्थिति रहेको थियो ।