जनकपुरको मुरलीचोक तनावग्रस्त, चक्का जाम

जनकपुरधाम, १७ माघ ।
जनकपुरको मुरली चोक अहिले तनावग्रस्त बनेको छ ।

जनकपुर उपमहानगरपालिकाको वडा नं. ४ मा पर्ने विद्यापतिचोक (मुरलीचोक) मा केही बेर अघि देखि नै तनावग्रस्त बनेको छ ।

आज केही बेर अघि स्थानीय एक पसल सँचालकलाई धनुषा प्रहरीले विना कारण पक्राउ गर्न खोजिएको भन्दै स्थिति तनाग्रस्त बनेको हो ।
चोकमै कपडाका पसल सँचालन गर्दै आएका पसल सँचालक रितेश सिँहलाई प्रहरीले जोरजरदस्ती पक्राउ गर्न खोजिएको भन्दै अवस्था संवेदनशिलतामा परिणत भएको जनाइएको छ ।

सिँहको पक्राउको विरोध गर्दै स्थानीय पसलबाला तथा व्यापारीहरु चोकमा केही बेरदेखि चक्काजाम गरेको छ ।
प्रहरीले जवरदस्ती पसलबाट समानहरु उठाएर लग्न खोजपछि दुईतर्फा तानातान भएलगत्तै अवस्था तनावमा परिणत भएको स्थानीय व्यावशायीहरु बताए ।

प्रहरीले सिंहलाई जबरदस्ति कुटपिट गरी असभ्य शैलीमा पक्राउ गरी, पसलका बोर्ड पसल भित्रका सम्पुर्ण सामान तोडफोड गरेर लगेको स्थानियको आरोप छ ।

स्थानियका अनुसार आफुहरु जबसम्म रितेशलाई रिहा नगरी प्रहरीले माफी नमागेसम्म चक्काजाम जारी राख्ने बताएका छन् ।

जनकपुर उद्योग बानिज्य संघका उपाध्यक्ष सुरेन्द्र भण्डारीले यसमा दोष प्रहरीकै रहेको दाबी गरेका छन् ।

यता, फुटपाथमा राखेको समानहरुलाई टाफिक व्यवस्थापन गर्न समस्या भएको भन्दै हटाउन खोज्दा पसलले धाकधम्की देखाउँदा बल प्रयोग गरिएको जिल्ला प्रहरी कार्यालय धनुषाका प्रहरी प्रवक्ता (डिएसपी) प्रवीण धितालले जनाए ।

डिएसपी धितालका अनुसार, टाफिक व्यवस्थापनको लागि फुटपाथमा राखिएको पसलका समानहरुलाई हटाउन मात्र खोज्दा स्थानीय व्यापारीहरुले विरोध गरेपछि प्रहरीले बल प्रयोग गरेपछि अवस्था तनाव भएको बताए ।