धनुषामा करेन्ट लागेर दुधे नाबालकको मृत्यू !

न्यूज ब्यूरो, जनकपुरधाम । धनुषामा करेन्ट लागेर एक दुधे नाबालकको ज्यान गएको छ । आफ्नै घरको पावर सर्किट बोर्डमा छोएर एक दुधे नाबालकको ज्यान गएको हो ।

धनुषाको धनुषाधाम नगरपालिका वडा नं. १ गोबिन्दपुर बस्ने विजय मण्डलको घरमा सो घटना घटेको हो । मृत्यू हुनेमा धनुषाको धनौजी गाउँपालिका वडा नं. १ लखौरी बस्ने सहदेव मण्डलको बर्ष ४ को छोरा आशिष मण्डल रहेको छ ।

भिनाज विजय मण्डलको घरमा पाहुना आएको बेला घरको पावर सोकेटमा फलामको किल्लाले खेलिरहेको क्रममा करेन्ट लागेको ईलाका प्रहरी कार्यलय धनुषाधामका प्रहरी सहायक निरिक्षक सुर्दशन दासले जानकारी दिएका छन ।