धान दिवस नारामा सिमित हुनु भएन : उपमेयर भुजेल

न्युज ब्युरो ,जनकपुरधाम । धनुषाको धाम नगरपालिकामा नगरकी उप प्रमुख विद्या देवी भूजेलले धान दिवस मात्र नारामा सिमित नगर्न आग्रह गरेकी छन् ।

धनुषाको धनुषाधाम नगरपालिका वडा नं. २ मंगलपुर स्थित साना किसान कृषि सहकारी संस्था लिमिटेड धनुषा गोबिन्दपुर द्वारा आयोजित १७ औ धान दिवस कार्यक्रममा प्रमुख अतिथिको आसनबाट बोल्दै उनले स्थानीय किसानलाई उर्जावान बन्न आग्रह गरिन् ।

वर्षमा आउने एक दिन असार १५ गते धान दिवस मनाइएपछि किसानहरुको लागि हरेक दिन धान दिवसको रहेको बताउँदै उनले देशको मूल अन्नदातालाई सरकारले अझै प्रोत्साहनको आवश्यकता औल्याइन् ।

साना किसान कृषि सहकारी संस्थाका संचालक समिती अध्यक्ष फिरन यादवको अध्यक्षतामा मनाइएको धान दिवसमा किसानहरुलाई लगनशिलताका साथ लाग्न आग्रह गर्दै आगामी आर्थिक वर्षमा किसानहरुको लागि सुविधा थपिएको जानकारी पनि दिइन् ।

“हामी यसपालिको योजनामा किसानहरुको टेवा पुगोस भन्ने बिशेष प्याकेज राखेका छौ। आवश्यकता अनुसार मलखाध ब्यबस्थान लागि पहल गरिने कृषि शाखा द्वारा हामी विभिन्न कार्यक्रम गर्दछौ ।”– उनले भनिन् ।

कार्यक्रममा साना किसान कृषि सहाकारीको प्रबन्धक राजकुमार साह लगायत स्थानीय किसानहरुको उपस्थितमा कार्यक्रम गरिएको छ ।