चटयाँग (ठन्का) लागेर ८३ जनाको मृत्यू !

न्यूज ब्यूरो, पटना । तीव्र गतिको हावाहुरीसँगै आएको चटयाँग (ठन्का) लागेर भारतको विहारमा ८३ जनाको मृत्यू भएको छ ।

भारत विहार राज्यको पूर्वी उत्तर प्रदेशमा मौसमले हाहाकार मच्चाएपछि ८३ जनाको ज्यान गएको हो । आज आएको हावाहुरी र चटयाँगले उनीहरुको मृत्यू भएको भारतीय सँचारमाध्यमहरुले जनाएको छ ।

बिहारको गोपालगंजमा १३ जनाको ज्यान गएको छ भने नेपालको सीमासँगै रहेको मधुवनी जिल्लाको ७ जनाको मृत्यू भएको छ ।

यसका साथै मुजफ्रपुरमा पनि चटयाँग लागेर कैयौ घर, भवनहरुमा आगलगी भएको छ भने लाखौंको सम्पति जलेर नष्ट भएको छ । सोही आगोमा परेर आधा दर्जन व्यक्तिहरु जलेका छन् ।

यसका साथै बिहारकै समस्तीपुरमा मुसलेधार बर्षाका कारण दुई बेग्ला बेग्लै ठाउँमा चटयाँग लागेर २ जनाको मृत्यू भएको छ । उत्तर प्रदेश राज्यमा पनि हावाहुरी र चटयाँग लागेर ९ जनाको मृत्यू भएको छ ।