रञ्जना हत्या काण्ड :  श्रीमान, जेठाजु र जेठानी पक्राउ

नेहा झा
जनकपुरधाम, १५ माघ ।
जनकपुरकी रञ्जना शर्माको हत्यामा संलग्न भएको अभियोगमा प्रहरीले पोखराबाट तीन जनालाई पक्राउ गरेको छ ।

जनकपुर उपमहानगरपालिका–२ की रञ्जनाको हत्या गरेको अभियोगमा उनका श्रीमान आनन्द मोहन शर्मा, जेठाजु अरविन्द ठाकुर र उनकी श्रीमती रिकुकुमारी शर्मा पक्राउ परेका हुन् ।

दाइजो लगायतका निहुँमा गत मंसिर ८ गते २२ बर्षीया रञ्जनाको घरमै हत्या गरिएको थियो । धनुषा प्रहरीको पत्रका आधारमा उनीहरुलाई पक्राउ गरिएको कास्की प्रहरीले जनाएको छ । हत्यापछि उनीहरु लुकेर बसेका थिए ।

यसअघि प्रहरीले हत्यामा रञ्जनाका ससुरा देवनारायण ठाकुर र सासु सुमित्रादेवीको मात्र संलग्नता रहेको भन्दै अन्यलाई पक्राउ गरेको थिएन ।