जनकपुरः खोला उत्खननमा प्रहरीको सेटिँग, पत्रकार उपर सामुहिक हमलाको प्रयास !

न्यूज ब्यूरो, जनकपुरधाम । धनुषाको विभिन्न ठाउँबाट हुने उत्खनन स्थानीय प्रहरीको मिलामतोमा हुने गरेको छ ।

सोमबार दिउँसो धनुषाको गणेशमान चारनाथ नगरपालिकाको वडा नं. ४ चारनाथ खोलामा भइरहेको अवद्यै उत्खनन बारे रिपोर्टिँग गर्न जाँदा न्यूजब्यूरोकर्मी उपर हमलाको प्रयास भएको छ ।

ब्यूरोकर्मी मुकेश ठाकुर उपर अवैद्य उत्खननकर्ताको लठैतहरुले पत्रकारद्धय ठाकुर उपर हमलाको प्रयास गरेका थिए । त्यसअघि प्रहरीलाई जानकारी गराएपनि त्यहाँ गएको थिएनन भने हमलाको प्रयासपछि मात्र फोन गरी सोधेपछि शंका उत्पन्न भएको हो ।

जँगलको बाटो भएर पत्रकार ठाकुर सहितको न्यूज ब्यूरो टोलीले स्टीँग अपरेशनमा जाँदा उत्खनन गर्ने ठेकेदारलाई जानकारी भइसकेको थियो । त्यसअघि हाम्रो टिमले मात्र ढल्केवर प्रहरीलाई खवर गरेको थियो ।

सो क्रममा ढल्केवर प्रहरीका एक घुमुवालाई अवस्थाबारे जानकारी गराएको झण्डै १ घण्टापछि र ठेकेदारका लठैतहरुले लखेटेपछि मात्र घुमुवाको फोन आएको ब्यूरोकर्मी ठाकुरले बताएका छन् ।

उनले भने,–“खोलमा असार मसान्तमा उत्खनन बन्द गरिन्छ । प्रशासनले पनि उत्खननको अनुमति दिदैन तर, उनीहरु बाँध बनाउने निहुँमा १२ वटा ट्रिपर, स्काभईभेटर, जेसिबी सहित उत्खनन गर्दै गरेको देखिए । मैले भिडियो खिचेर राखेको छु, उनीहरुलाई पहिले कसैले भनेको थियो । उनीहरुलाई कसरी थाहा भयो ? यो शंका छ ।”

पूर्व पश्चिम राजमार्गदेखि करिब २ किलोमिटर उत्तर तर्फ रहेको चारनाथ खोला नजिकै नेपाली सेनाको क्याम्प बन्न लागेकोले बाँध बनाउने कार्य पनि भईरहेको छ । सोही निहुँ र मौका छोपी उनीहरुले अवैद्य उत्खनन गरिरहेको थियो ।

ठाकुरले भने, प्रहरीको घुमुवालाई सहयोगको लागि, सुरक्षाको लागि फोन गरेको १ घण्टा वितिसक्दा पनि आएनन् , तर जब उनीहरुले मलाई लखेटे र जब हामी ज्यान जोगाएर भाग्यौ, अनि बल्ल मात्र केही बेरमा घुमुवाले फोन गरी यति मात्र सोधे–“तपाईको काम भयो ।” अनि प्रहरीको पनि मिलोमत्तो भएको भनेर शंका लाग्यो ।

जानकारी अनुसार, ओम सत्य साई कन्सट्रक्सनको ट्पिरहरुमा बालुवा गिट्टी लोड भइरहेको बताएका छन् । बिरेन्जय सिँह सँचालक रहेको सो कन्सट्रक्सनको ट्रिपर, जेसिबी र स्काइभेटरले धमाधम उत्खनन गर्दै गरेको भिडियोमा पनि प्रष्ट देखिएको छ ।

ठेकेदार सिँहका मान्छेहरुले पत्रकार ठाकुर सहित सहकर्मी नितेशलाई जँगलमा खोज्न पुगेपछि दुवै जना ज्यान जोगाएर भाग्न सफल भएको थियो । तबसम्म प्रहरी भने आएनन् ।

यता, यस बारेमा ईलाका प्रहरी कार्यालय ढल्केवरका प्रहरी नीरिक्षक एवम् ईन्चार्जले खोलामा सहमतिमै बाँध मात्र बाँधिन लागेको प्रतिक्रिया दिएका छन् ।