शहिदनगरमा किसानको लागि डिप बोर्डिङ, किसानहरु हर्षित

न्यूज ब्यूरो, जनकपुरधाम । धनुषाको शहिदनगर नगरपालिकाको किसानहरुको लागि डिप बोर्डिङगको शिलान्यास गरिएको छ ।

शहिदनगर नगरपालिका वडा नं. २ स्थित स्थानीय किसानहरुलाई मध्यनजर गर्दै डिप बोर्डिङग निर्माणको शिलान्यास गरिएको हो ।

वडा नं. २ को कमलपुरमा नेकपाका प्रभावशाली नेता एवम् केन्द्रीय सदस्य श्रवण कुमार बरबरिया (यादव) ले एक कार्यक्रमबीच शिलान्यास गरेका हुन् ।

सिँचाईका डिई विनय गामी र ईन्जिनीयर देव लगायतको विशेष उपस्थितिमा डिप बोर्डिङगको शिलान्यास गरिएको हो ।

आज शिलान्यास गरिएको डिप बोर्डिङग यसै आर्थिक वर्षको अन्त्यसम्म बनि सक्ने नगरपालिकाका मेयर उदय कुमार बरबरिया (यादव) ले बताए ।

बरबरियाका अनुसार, सो क्षेत्रमा डिप बोर्डिङगको अभावमा स्थानीय किसानहरु आकाशे वर्षाको भरमा खेतीपाती गर्नुपर्ने बाध्यतालाई परास्त गर्दै अब कृषि आधुनिक तरिकाबाट गर्न सकिने जीकिर गरे ।