विदेशमा कोही मधेशी भोकै रहदैन : अध्यक्ष कुशवाहा

न्यूज ब्यूरो, सउदी । विश्वभरि छरिएर रहेका मधेश मूलका नेपालीहरुको छाता सँगठन गैर आवासीय मधेशी सँघका अन्तराष्ट्रिय अध्यक्ष ईन्जिनीयर बसन्त कुशवाहाले संगठन सदैव उनीहरुको साथमा रहेको बताएका छन् ।

शनिबार सँघको साउदी अरब शाखाले साउदी जुवेल मा फँसेका केही मधेशी कामदारहरूलाई करिब २० दिनसम्म पुग्ने गरी दोस्रो चरणको राहत प्रदान गरेका छन् ।

बिगत ३ महिना देखि तलब नपाएको र कम्पनीले काममा पनि नलगाउनुका साथै बिरामी पर्दा पनि हेरचाह नगरेको गुनासो गरेपछि गैर आवासीय मधेशी संघ अगाडी आएका हुन् ।

उनीहरुले आफुहरूलाई कुनै पनि संघ संस्थाले सहयोग नगरेको भन्दै स्थानीय किराना पसलबाट उधारो खाँदै आएका थिए । सो जानकारी पछि तुरुन्त एक्सनमा आएका संघले उनीहरुलाई राहत प्रदान गरेका हुन् ।

गैर आवासीय मधेशी संघ साउदी अरबको टिमले ति पिडित कामदारहरूलाई खाद्यान्न समाग्री प्रदान गराएको हो ।

संस्थाको सदस्य आयुब कबारीको व्यक्तिगत सहयोग र सह – अधिकारी उपेन्द्र , गरभु महराको संयुक्त रोहबरमा राहत बितरण गरिएको थियो ।

“साउदी अरबमा हजारौ त्यस्ता कामदारहरू फँसेको छ र दिनहुं सयौ फोन हामीलाई उद्दार गर्नु भनेर आउंछ। हामी सहयोगी हाथहरु खोजेर यो राहत उपलब्ध गराईरहेका छौं ।”– अध्यक्ष निर्मल मण्डलले बताए ।

साथै प्रबासमा अहिले कोरोनाको कारण कम्पनीबाट बिस्थापित हुनेहरूको संख्या बृद्धि हुदै गईरहेको भन्दै नेपाल सरकार र नेपाली राजदुतावासले अझैं पिडित सम्म पुग्न नसकेको गुनासो गरिएको छ ।

अहिलेको बिकराल अवस्थामा गैर आवासीय मधेशी संघ हरेक देशमा समन्वय गर्ने प्रयासमा रहेको र स्वदेश फर्केकाहरूको लागि स्वरोजगार योजनाको बारेमा बृहत छलफलमा रहेको गैर आवासीय मधेशी संघ अन्तराष्ट्रिय समितिका अध्यक्ष कुशवाहाले जानकारी दिए ।