यूएईमा रहेका मधेशीहरुलाई गैर आवासीय मधेशी संघले सहयोग गर्ने

न्यूज ब्यूरो, दुबई । विदेशमा कामको शिलशिलामा रहेका मधेशीहरुको छाता सँगठन गैर आवासीय मधेशी संघ (एनआरएमए) ले सहयोग र समन्वय गर्ने भएको छ ।

कोरोना भाइरसको महामारी रोकथाम र सुरक्षाका उपायहरु अपनाउने लगायत मधेशीहरुको हकहितमा सधैं अग्रसर रहँदै आएको संघले महामारीमा पनि सबै ठाउँमा सहयोग गर्न समन्वय समिति गठन गरेको गैर आवासीय मधेशी सँघका अन्तराष्ट्रिय अध्यक्ष ईन्जिनीयर बसन्त कुशवाहाले जानकारी दिएका छन् ।

गैर आवासीय मधेसी संघ युएईले यहाँ रहेका र संपर्कमा आएका मधेशीहरुलाई बिभिन्न माध्यमबाट आवश्यक सर– सल्लाह र सुझाव दिदै आएको ई. कुशवाहाले बताएका छन् ।

हाल लामो समयदेखिको आतंरिक र बाह्य लकडाउन, कोरोनाको असरले रोजगारी गुमाएका, महामारीको कारणले फँसेका र यसको परिस्थितिले मानसिक तनाव र पछिल्लो क्रममा स्वदेश फिर्ता को लागि प्रयासमा रहेका मधेसीहरुलाई निरन्तर सहयोग गर्न समन्वय समिति गठन गरेको हो ।

ई. कुशवाहाकै होस्टमा सम्पन्न भएको भर्चुअल (अनलाई मिटिँग) मा मधेशीहरुलाई विश्वसनीयरूपले आवश्यक सर–सल्लाह र सुझावलाई निरन्तरता प्रदान गर्ने हेतु ईन्जिनीयर संजय कर्णको सँयोजकत्वमा गैर आवासीय मधेसी संघ युएईले ७ सदस्यीय “युएई कोभिड–१९ समन्वय समिति” गठन गरेको छ।

समितिले युएईमा रहेका मधेशीहरुलाई सही जानकारी गराउने, कठिन परिस्थि र मानसिक तनाव मा रहेका लाई सही तवरले परामर्श एवम् हौसला प्रदान गर्ने , नेपाल फर्कन Repatriation फॉर्म भर्न सहयोग गर्ने , आवश्यक परेको बेला नेपाली दूतावास, स्थानीय निकाय र यहाँ कार्यरत अन्य संघ –संस्था सँग समन्यव गरिदिने जनाइएको छ ।