धनुषामा ट्रयाक्टरले बालक उडायो, अवस्था गम्भिर

जनकपुरधाम, १४ माघ ।
धनुषामा ट्रयाक्टरले एक बालकलाई ठक्कर दिँदा गम्भिर घाईते भएका छन् ।

धनुषाको क्षीरेश्वरनाथ नगरपालिकाको वडा नं. ९ ईच्छापुर स्थित रहेको बैष्णो देवीको मन्दिर अगाडी दुर्घटना भएको हो ।

दुर्घटनामा परी क्षीरेश्वनरनाथ नगरपालिका वडा नं. ९ बस्ने स्थानीय राम एकवाल सदाको छोरा बर्ष १० का सरोज सदा रहेको जनाइएको छ
मकर मेला भर्न धनुषाधाम आईरहेको ज १ त १८४८ नम्बरको ट्रयाक्टरले धनुषाधाम नगरपालिकाको वडा नं. ५ प्रवत्ता र क्षीरेश्वरनाथ नगरपालिका वडा नं. ९ को सीमामै साईकलमा सवार सदालाई ठक्कर दिएको हो ।

हरेक वर्ष माघ महिनामा प्रत्येक आईतवार धनुषाको धनुषाधाममा विशाल मकर मेला लाग्ने गरेको छ ।

ट्रयाक्टरमा दर्जनौ श्रद्धालुहरु सवार भएका थिए भने सडकपेटीबाट ट्रयाक्टर करिब १०० मिटरको दुरीमा बालकलाई ठक्कर दिई उडाएको थियो ।

यता, टाउकोमा गम्भिर चोट लागेका घाईते सदालाई उपचारको लागि जनकपुर स्थित जानकी हेल्थ केयरमा ल्याइएको छ भने चालक ट्रयाक्टर छाडेर फरार भएका छन् ।
महेन्द्रनगरको प्रहरी टोली सहित धनुषाधामका प्रहरी टोलीले सँयुक्त रुपमा घटना स्थल पुगी घटनाको थप अनुसन्धान सहित चालकको खोजीमा लागेका छन् ।
थप विवरण आउन बाँकी रहेको छ ।