जनकपुर: हेल्मेट र मोसाबाट ३ म्यागजिन र पेस्तोल सहित एक पक्राउ !

न्यूज ब्यूरो, जनकपुरधाम । जनकपुरबाट जिल्ला प्रहरी कार्यालय धनुषाले एक युवकलाई हतियार सहित पक्राउ गरेको छ ।

२ नं. प्रदेश प्रहरी कार्यालय जनकपुर र जिल्ला प्रहरी कार्यालय धनुषाबाट खटिएको प्रहरी टोलीले बिशेष सूचनाको आधारमा एक युवकलाई पक्राउ गरेको हो ।

खोज तलास गर्दै जाने क्रममा जिल्ला धनुषा जनकपर उप(महानगरपालिका– १७ बेलौनी स्थित राम लोचन पासवानको आपँको बगैचामा ज ४ प ३९३३ नम्बरको मोटरसाईकल रोकी बसेका जिल्ला महोत्तरी लोहरपट्टी गाउँपालिका–८ बस्ने सर्दिक कवारीको छोरा वर्ष २० को डिके. भन्ने आजेजुल राईनलाई पक्राउ गरिएको हो ।

प्रहरीले शंकास्पद अवस्थामा फेला परेकोमा राईनको शरीर तथा मोटरसाईकल तलासी गर्दा उनले लगाएको हेलमेट र मोटरसाईकलबाट अटोमेटिक पेस्तोल १ वटा र त्यसमा प्रयोग हुने ३ वटा म्यागजिन तथा ५ राउण्ड गोली समेत बरामद गरेको छ ।

आजेजुल राईन र मोटरसाईकल सहित नियन्त्रणमा लिई कारवाहीको लागी जिल्ला प्रहरी कार्यालय धनुषा ल्याएर अनुसन्धान थालिएको जनाइएको छ ।