किसानहरुलाई धानको बीउ

न्यूज ब्यूरो, बारा । बाराको निजगढ नगरपालिकाले नगर भित्रका किसानहरुलाई धानको बिउ वितरण गरेको छ ।

नगरपालिकाले ५० प्रतिशत छुट दिएर अनुदानमा बिउ वितरण गरेको निजगढ नगरपालिकाका मेयर सुरेशकुमार खनालले जानकारी दिएका छन ।

किसानहरुलाई राधा ४ र सावित्री जातको धानको बिउ वितरण गरिएको मेयर खनालले बताउनु भयो । नगरपालिकाले बिउ राख्ने समयमा किसानलाई उन्नत जातको धानको बिउ वितरण गरेको हो ।

लकडाउनका कारण देशको अर्थतन्त्रमै असर परिरहेका बेला कृषिमा समेत अवरोध आउँदा खाद्य संकट निम्तिन सक्नेतर्फ सचेत हुँदै नगरपालिकाले बिउ वितरण सुरू गरेको हो ।