नेपालमा थप १७ जनामा कोरोना संक्रमण पुष्टि, संख्या ४४४ पुग्यो

न्यूज ब्यूरो, काठमाडौं । नेपालमा थप १७ जनामा कोरोना संक्रमण पुष्टि भएको छ ।

आज (बिहीबार) बिहान थप १७ जनामा कोरोना भाइरस संक्रमण पुष्टि भएको हो । यो सँगै नेपालमा संक्रमितको संख्या ४ सय ४४ पुगेको छ ।

आज संक्रमण पुष्टि भएका धेरैजसो झापा जिल्लाका रहेको स्वास्थ्य तथा जनसंख्या मन्त्रालयले जनाएको छ । झापाका १५ जनामा संक्रमण पुष्टि भएको हो ।

आज थपिएका संक्रमितमा झापाको कचनाकवल गाउँपालिकाका १५ जना छन् । त्यसैगरी धनकुटा र सुनसरीका एकरएक जना छन् ।

बीपी कोइराला स्वास्थ्य विज्ञान प्रतिष्ठान, धरान र विराटनगरको कोशी प्रादेशिक जनस्वास्थ्य प्रयोगशालामा गरिएको परीक्षणमा १७ जनामा संक्रमण पुष्टि भएको स्वास्थ्य मन्त्रालयले जनाएको छ ।