गैर आवासीय मधेशी संघको अपिल -'अब आफैं रोजगारी सृजना गरौं'

न्यूज ब्यूरो, दुबई । विदेशमा रहेका मधेशी समुदायहरुको छाता संगठन गैर आवासीय मधेशी संघ अन्तराष्ट्रिय समितिले आफ्नै ठाउँमा रोजागरी सृजना गर्न अपिल गरेको छ ।

संघका अन्तराष्ट्रिय अध्यक्ष ईन्जिनीयर बसन्त कुशवाहाले आईतबार एक प्रेस विज्ञप्ति जारी गर्दै आफ्नो गाउँमा आफै रोजगारी सृजनाको विकल्प नरहेको उल्लेख गरेका छन् ।

कोरोना महामारी पश्चात विदेशमा रहेका मधेशी मूलका नेपालीहरुले घर फिर्ता जानुपर्ने निश्चित रहेको भन्दै अहिलेका भ्रष्टचारी स्थानीय सरकार, प्रदेश सरकार र संघीय सरकारले यीनीहरुको लागि केही नगर्ने ठोकुवा समेत गरेका छन् ।

“अहिलेसम्म तपाई हामीले पठाएका रेम्मिटान्सको पैसाले यिनीहरू मोज मस्ती गरे। करोडौको बजेट पचाएँ। अब यस्ता प्रष्टचारी जनप्रतिनिधिहरूलाई पदच्युत गर्नु पर्छ। अब बाक्री रहेका साधन स्रोतले आफ्नो गाउँमा आफै रोजगारी सृजना गर्नु पर्छ।”– विज्ञप्तिमा उल्लेख गरिएको छ ।

त्यसको लागि अहिलेदेखि नै आफ्ना गाउँपालिका, नगरपालिकका साथीहरुसँग मिलेर पालिका समूह निर्माण गर्दै हरेक देशमा काम गर्ने आफ्ना पालिकाका साथीहरुलार्ए समूहमा आवद्ध गर्न अपिल गरेको छ ।

अरुको देशमा खुन पसिना बगाएको धेरै भयो भन्दै अध्यक्ष कुशवाहाले आफनो त्यो मिहिनते आफ्नै गाउँमा लगानी गर्ने समय आएको उल्लेख गरेका छन् ।