अमेरिकामा २ करोड मानिसको रोजगारी गुम्यो

न्यूज ब्यूरो, एजेन्सी । कोरोना भाइरस महामारीका कारण अमेरिकामा यो वर्षको अप्रिलमा २ करोडभन्दा बढी व्यक्ति बेरोजगार भएका छन् ।

महामारीका कारण त्यहाँको बेराजगारी दर १४.७ प्रतिशत पुगेको छ । यसले सन् १९३० को महामारी पछिकै सबैभन्दा खराब स्थितिको संकेत गरेको छ ।

दुई महिनाअघि सम्म अमेरिकामा बेरोजगारी दर ३.५ प्रतिशत थियो, जुन विगत पचास वर्षमा सबैभन्दा कम हो । यद्यपि, अमेरिकी राष्ट्रपति डोनाल्ड ट्रम्पले बेराजगारी दर बढ्ने पहिल्यै आशंका गरिएको तर भविष्यमा अर्थव्यवस्था मजबुत बन्दै जाने दाबी गरेका छन् ।

तर, अर्थशास्त्रीहरुले भने अझै लामो समयसम्म लकडाउनमा हुनसक्ने र अमेरिकी अर्थतन्त्रमा ठूलो क्षतिको आशंका गरिरहेका छन् ।