भारतमा एकैदिन कोरोनाबाट १२७ जनाको मृत्यु

न्यूज ब्यूरो, भारत । भारतमा गएको २४ घन्टामा कोरोना संक्रमणबाट १ सय २७ जनाको मृत्यु भएको छ ।

बुधबार बिहानसम्मको तथ्यांक अनुसार भारतमा अहिलेसम्म मृतकको संख्या १६ सय ९३ पुगेको छ । भारतमा सोमबार संक्रमणबाट १ सय ७५ जनाले ज्यान गुमाएका थिए ।

संक्रमितको संख्या ४९ हजार ४ सय पुगेको वल्र्डओमिटरले जनाएको छ । भारतमा मंगलबार एकै दिन २९ सय ६३ जना नयाँ संक्रमित थपिएका छन् ।

भारतमा अहिलेसम्म १४ हजार भन्दा धेरै संक्रमित उपचारपछि निको भएका छन् ।