विश्वभर कोरोनाबाट ज्यान गुमाउनेको संख्या अढाई लाख नाघ्यो

न्यूज ब्यूरो, एजेन्सी । कोरोना भाइरस (कोभिड(१९) संक्रमणबाट ज्यान गुमाउनेको संख्या विश्वभर अढाई लाख नाघेको छ ।

पछिल्लो तथ्यांकानुसार, विश्वभर कोरोना संक्रमणबाट ज्यान गुमाउनेको संख्या २ लाख ५१ हजार ९ सय ४७ पुगेको वल्डओमिटरले जनाएको छ । यसको संक्रमणबाट गएको २४ घन्टामा ३८ सय भन्दा धेरैको मृत्यु भएको छ ।

अहिलेसम्म विश्वभर ३६ लाख ४१ हजार २ सय ४ जना संक्रमित भएका छन् । सोमबार मात्रै विश्वमा ७७ हजार ५ सय १५ जना नयाँ संक्रमित थपिएका छन् ।

संक्रमितमध्ये करिब ११ लाख ९३ हजार उपचारपछि निको भएका छन् ।