भारतमा कोरोना संक्रमित संख्या ४० हजार नाघ्यो

न्यूज ब्यूरो, एजेन्सी । भारतमा कोरोना संक्रमितहरुको संख्या ४० हजार नाघेको छ ।

भारतको स्वास्थ्य मन्त्रालयले आइतबार दिएको जानकारी अनुसार संक्रमितहरुको संख्या ४० हजार २ सय ६३ पुगेको हो । संक्रमणबाट मृत्यु हुनेको संख्या भने १३ सय ६ पुगेको छ ।

पछिल्लो २४ घण्टामा त्यहाँ २ हजार ४ सय ८७ जना नयाँ संक्रमित फेला परेका छन् भने एकैदिन ८३ जनाको मृत्यु भएको छ । त्यस्तै १० हजार ८ सय ८७ जना बिरामी निको भएर फर्किएका छन् ।