किसानको खेतमा रहेको तरकारी, फलफूल ढुवानी गरिने : मन्त्री साह

न्यूज ब्यूरो, जनकपुरधाम । प्रदेश नं. २ का भूमि व्यवस्था, कृषि तथा सहकारी मन्त्री शैलेन्द्र साहले किसानहरुको खेतमा रहेको तरकारी, फलफूल प्रणालीगत रुपमा बजारीकरण गरिने बताएका छन् ।

आज (विहिबार) धनुषाको पूर्वी क्षेत्रमा किसानहरुको तरकारीबाली सहित बगरमा लगाइएको तरबुजा खेतीहरुको नीरिक्षण गर्दै बजार पाउन नसकेका उत्पादनलाई बजारीकरण गर्ने प्रतिवद्धता जनाउनुभएको छ ।

कमला नदीको बगर जग्गामा बिपन्न किसान द्वारा उत्पादन गर्दे आएको खरवुजा लगायत तरकारीहरु लकडाउनका कारण ढुवानि देखि बजार सम्मको समस्या समाधान गर्न स्थलगत निरिक्षण गरेका छन ।

कृषिमा प्रत्येक क्षेत्रका किसानको समस्या समाधान तथा समस्या न्यूनीकरणमा ध्यान दिँदै कृषकहरुको उब्जनीलाई बजारीकरण गरी उचीत मूल्यमा विक्री वितरण गर्न सहयोग गर्ने बताएका छन् ।

सो क्रममा जनता समाजवादी पार्टी नेपालका सहकारी विभागका केन्द्रीय सँयोजक सँजय साहले अन्नदाताको रुपमा रहेको गरीब किसानहरूको कृषि उपजको बजारीकरणको उचित व्यवस्था मिलाई किसानलाई राहत एवं उत्साहित गर्न आफूहरु कुनै कसर नछाडने बताउनुभयो ।

उहाँले सम्पूर्ण किसान अन्नदाताको रहेकोले उनीहरुको कडा मिहिनेत, परिश्रमलाई आफूहरु त्यतिकै खेर जान नदिने बताए । किसानको परिश्रमको प्रतिफल आफूहरु ल्याइदिने प्रतिवद्धता व्यक्त गरे ।

सहकारीको तर्फबाट लकडाउनका बेला हरियो साग सब्जी, फलफूलको शहरमा अभाव तथा गाउँमा बजारीकरण हुन नपाउँदा एकातर्फ किसान मार्कामा परेको छ भने अर्का तर्फ उपभोक्ता । यस्तो समयमा साहको टिमले किसानको खेतबाट उब्जनी ल्याएर बजारमा बेच्ने गरेको छ ।

निरिक्षणको क्रममा प्रदेश नं. २ का बिधायक तथा जनता समाजवादी प्रदेश न २ का प्रमुख सचेतक शैलेन्द्र यादब, राष्ट्रिय सहकारी बैंकका संचालक ध्रुव नारायण यादब, कृषि ज्ञान केन्द्रको प्रमुख शंकर साह, डा रत्न झा , पत्रकार महासंघ का धनुषा जिल्लाका अध्यक्ष अनिल मिश्र , पत्रकार बिरेन्द्र रमन, बिकास कुमार साह लगायतको टोली थिए ।