विश्वभर कोरोनाबाट ज्यान गुमाउनेको संख्या २ लाख १७ हजार नाघ्यो

न्यूज ब्यूरो, एजेन्सी । विश्वभर कोरोना संक्रमितको संख्या ३१ लाख नाघेको छ ।

बुधबार बिहान पौने सात बजेसम्मको तथ्यांक अनुसार कोरोना संक्रमितको संख्या ३१ लाख ३६ हजार २ सय ३२ पुगेको छ । हिजो एकै दिन कोरोनाका ७६ हजार २ सय ८६ जना नयाँ संक्रमित थपिएका छन् ।

अहिलेसम्म यसको संक्रमणबाट २ लाख १७ हजार ७ सय ९९ जनाले ज्यान गुमाएका वल्र्डओमिटरले जनाएको छ । मंगलबार मात्रै कोरोना संक्रमणबाट ६३ सय ५१ जनाले ज्यान गुमाएका छन् ।