चीनमाथि गम्भीर अनुसन्धान गर्दैछौं : ट्रम्प

न्यूज ब्यूरो, एजेन्सी । अमेरिकी राष्ट्रपति डोनल्ड ट्रम्पले कोरोना भाइरसमाथि चीनको प्रतिक्रियाको विषयमा ‘अत्यधिक गम्भीर अनुसन्धान’ सुरु भएको जानकारी दिएका छन् ।

ह्वाइट हाउसमा आयोजित पत्रकार सम्मेलनमा ट्रम्पले सो कुरा बताएका हुन् । ट्रम्पले कोरोना भाइरसलाई तुरुन्तै रोक्न सकिनथ्यो र यो संसारभरी फैलन पनि पाउँदैनथ्यो भन्दै जिकिर गरेका छन् ।

अमेरिकी राष्ट्रपति ट्रम्पले लगातार कोरोना भाइरसको महामारीका लागि चीनमाथि अत्यधिक आलोचना गर्दै आएका छन् ।