विश्वभर कोरोनाबाट ज्यान गुमाउनेको संख्या २ लाख नाघ्यो

न्यूज ब्यूरो, एजेन्सी । विश्वभर कोरोना भाइरस (कोभिड १९) संक्रमणबाट ज्यान गुमाउनेको संख्या दुई लाख नाघेको छ ।

गएको २४ घन्टामा यसको संक्रमणबाट विश्वभर ६ हजार ६५ जनाले ज्यान गुमाएका छन् । यो सँगै मृत्यु हुनेको संख्या २ लाख ३ हजार १ सय ६२ पुगेको वल्र्डओमिटरले जनाएको छ ।

अहिलेसम्म विश्वभर कोरोना संक्रमितको संख्या २९ लाख १९ हजार ४ सय ६२ पुगेको छ । शनिबार मात्रै ९० हजार ६ सय ३६ जना नयाँ संक्रमित थपिएका छन् ।

संक्रमितमध्ये अहिलेसम्म ८ लाख ३६ हजार ६ सय १२ जना उपचारपछि निको भएका छन् ।